Carpon sunda, nu geulis tea !

Carpon sunda, nu geulis tea !, Moal aya anu nyaho atuh, sanajan pabeja –beja, cenah aya saurang wanoja anu hade wanda, ngan ceuk si toing mah” Teuing atuh da kuring ge can ari papanggih atawa jonghok jeung eta wanoja anu kakoncara teh “ Kitu tah basana.

Loba anu panasaran eta ge, na saha sarta urang mana atuh eta wanoja anu hade wanda alias rupa teh ? jeung naha atuh si Toing can panggih, da ari ceuk pikiran uing mah, nyebutkeun hiji hal teh atuh kudu jeung ningali sarta bukti, lain kitu tah ?

Ah, pikiran teuing atuh, kalieur – lieur , mending ge mikiran hirup sugn atuh ari di pikiran mah hirup teh aya enyayna nya jang ? sedeng ari mikiran anu can puguh mah, nyasat atuh saperti ngudag – ngudag kalangkang heulang, hese !

Nyi Omoh nu geulis tea !

Ngan, aya ngan tah barudak ! beja kaayaan nyi Omoh teh asa ku terus nyebar, teu kapikiran ge ku uing, anapon ari kitu mah anu ngaran nyai Omoh teh sigana bener saperti anu di caritakeun ku jalma – jalma !

Miceun rasa kapanasaran, gejlig wae indit, nu di jug – jug Si Toing heula, kuring tumaya sanggeus aduhareupan jeung si Toing” Ing ngadenge maneh, beja nyai omoh anu sakitu ramena ? tanya teh . “ Si Toing seuri “ naon kitu  oy ? kalah malik nanya .

Euh ! ceuk hate “ Kuring nanya , ente mah kalah malik nanya, teu kaci atyuh ! henteu ari di ucapkeun mah, da katingali si Toing surti sarata pok manehna nyarita deui” Hampura Oy, enya oy, beritana makin santer tah nyai Omoh teh, mun bahasa ayeuna mah sigana di sebutna ge Viral alias sumebar rame sarta di teangan beritana ku jalma rea !

Matak ge Ing ! ceuk kuring, di susul ku tumanya “ Geus panggih acan ente jeung nyai Omohna ing ? Si Toing rada humandeuar “ He he , nyasat acan Oy ‘ tembalna, atuh teu kaci, jrut wae kuring turun ninggalkeunsi Toing anu colohok ngembang kadu.

Nu di jug – jug ayeuna mah si Uba , katingali manehna keur popoean, nya biasa di kampung mah, moe naon wae atuh kadang kala ku taya pagawean mah moe maneh ge jadi he he .

“ Timana Oy ? can ge kuring anjog , ti kajauhan geus tumanya , nyampeurkeun manehna , gek diuk tinu rada iuh, da jeung eyana asa ku panas moreret tah poe teh ! teu dijawab pertanyaan menehna mah pok kuring tumanya cara kuring tumanya ka si Toing tadi , kumaha tah jawabana na ? sama , alias sarua , ngadenge mah ngan sarua oge tacan pernah ningali, jadi hayang seuri jeung tumanya kadiri, naha atuh mani rame ari tacan ningali buktina mah, apa ini yang di namakan HOAXS kitu, he eh alias berita palsu !

Ah, sakali deui kuring kuciwa, gejlig eui kuring indit, mapay , ka si ifut, si tedi , si odong sarta si warman, sarua kabeh ge kitu ! ah, meugeus mending ge molor, moal –moal lieur, heueuh satadina mah atuh hayang nyaho wae atuh kuring mah !

Terahir mulang teh ti si warman, samalah manehna keur di kebon bari seuri manehna nyarita “ Enya Oy , mun aya bukti na mah kuring ge he eh sama , mau atuh “ bari nyerengeh, kuring ge seuri “ bari pok “ Iya , man !

Ah, sakali deui euweuh anu waras 1 ngagedig wae mulang da angkanan teh , rek dug wae sare , reureuh tina kacape jeung hate anu panasaran, kana beja anu aya tea, palebah pengkolan,ku banget uleng ! ampir nabrak jalma tah uing teh ! enya mulang bari pikiran malaweung , ari suku ngalengkah, he he ari pangacian kamana wae “ Aduh , hapunten nya ! kuring menta maaf, panon ningali saurang bapak – bapak nu oge bari seuri sarta manggut “ Wios atuh jang , da teu ngahaja “ ih aya ku ngarti tah sigana eta jalma teh “ ceuk gerentes hate.

Hate rek ngamanggakeun tah harita teh, da wawauh hanteu rek ngobrol ge, ngan, anaya ngan na deui tah dak ! katingali saurang wanoja anu bareng jeung si bapa anu nangtung gigireuna na, hate teh rada nyeblak jang, maklum kuring jajaka, he he aya naon kitu, sok baku !

Tah, kuring asa reuwas jang, ari di teuteup teh eta wanoja, “ Ampun ! ceuk uing teh , ngan hanteu nepak tarang da sieun katohiyan! He he ku geulis pisantah wanda budak si bapa teh , hayang nyaho teu ?

Kulitna beresih, panonna cureuleuk, puguhing irungna mah bangir, atuh tangtungan ti gigir lengik titukang lenjang tea ! ah pokona mah ceuk uing mah sampurna wae, geura ke ku aranjeun tingali potona !

Rada era kuring tumanya samemeh indit “ Asa nembe ninggal nya ? tanya teh. Si bapak jeung kulawargana seuri , jawabna “ Muhun jang , bapak teh nembe ngalih ti kota, hoyong di kampung, nya nembe ayeuna dongkap “pokna , ngenalkeun diri, cenah ngarana teh Pak Messi ! ah , moal kitu tukang maenbal anu sohor tea, ngan maenya bisa bahasa sunda he he .

Biasa tah, terus si ibuna , anu nilik na wndana mah ngaguratkeun kageulisan mangsa manehna keur ngora matak atuh pasti na oge nurun ka anakna anu keur seuri ka kuring .

Song ngasongkeun leungeun, pokna “ Abdi Omoh “ geg hate gagebeg, tadi mah di tanyakeun di teteangan, ari ayeuna, hareupeu bari ngenalkeun, uluh enya gening sakieyu geulisna, teu salah beja anu sumebar teh , gentak di tampa ku kuring bari ngenalkeun diri, Ooy “ cekeng teh, he he sigana ngajodo nya da sarua “ O “ mimitina, he he berharap !

Maranehna permisi rek beberes cenah, kuring ngamanggakeun bari ngaleos , tapi aya kapanasaran, malik , ningali anu ngabring tadi, “ Ah, enya , teusalah Ing , geulis anu di sebut nyai Omoh teh, he he ngan hanjakal anjeun mah can nyaho.

Malik deui , lengkah di gedigkeun muru imah, rek dug wae sare , ceuk hate “ Ke pasosore rek api api wae ngadeukeutan manehna , da pasti imahna deukeut ka imah si koing , sadatang –datang goledag wae ngajepat na di pan, les wae sare !

Hudang pasosore da kagareuwahkeun ku cai anu asa tiis kana beungeut, moal kitu hujan sarta kenteng bocor, kuring diuk bari lulungu, hate ngagebeg “ He he matak ari rek sare teh tong sok loba ngahayal Ong ! si koing seuri, panon gigisik “ Aya naon kitu Ing ? tanya teh, pangacian asa can kumpul kabeh.

Enya , tong sok kamalinaan ari sare teh,ieu teh rek ampir maghrib, he he ku naon maneh nyebut Omoh – omohanOy, ngimpi ente teh ? hate nggebeg anu kadua kalina, ah da asa enya atuh nyai Omoh anu geulisteh , ari taeun, ukur na ngimpi. Rada ngabelehem kuring ge, gancang cengkat , angkanan rek brus wae mandi, di tuturkeun ku seuri si Toing anu babarakatakan.

 

 

Leave a Reply

Your email address will not be published. Required fields are marked *